"ИнвескорРИСайкл"хувийнХОС

Монгол улсад экологийн болон эдийн засгийн ихээхэн зардал үүсгэж буй хог хаягдлыг дахин боловсруулж, эдийн засгийн эргэлтэд оруулах бизнесийн үйл ажиллагаанд хөрөнгө оруулж, дараагийн шатанд гаргах байдлаар байгаль орчин, нийгмийн эерэг нөлөөллийг үүсгэж бий болгох болон санхүүгийн өгөөж олох зорилготойгоор "Инвескор Ри Сайкл" хувийн хөрөнгө оруулалтын санг үүсгэн байгуулав.

Манай хөрөнгө оруулалтын сангийн байгаль орчин, нийгэмд үзүүлэх үр нөлөөг дурьдвал: Хөрөнгө оруулсан бизнесүүд нь хог хаягдлыг дахин ашиглаж түүхий эд, эцсийн бүтээгдэхүүн үйлдвэрлэх бөгөөд энэ нь шууд байдлаар Тогтвортой Хөгжлийн Зорилтуудын 12 дахь Хариуцлагатай Хэрэглээг дэмжих зорилтын 12.5 буюу “2030 он гэхэд хог хаягдлаас сэргийлэх, түүнийг бууруулах дахин боловсруулах, дахин хэрэглэх замаар хог хаягдал бий болгож буй хэмжээг үлэмж хэмжээгээр бууруулах” зорилтыг хангахад чиглэгдэх бөгөөд шууд бус байдлаар Эрүүл мэндийг дэмжих, Уур амьсгалын өөрчлөлтийн үр нөлөөг багасгах зорилтуудад нөлөөлөх юм.